Über üs

Roger Diethelm, 07. Januar 1974

Dä Roger isch in Linthal däheimä und fühert det ä Landwirtschafts-und Alpbetrieb. Er hät im Jahr 2000, mitem Sepp Rüegg und em Beri Glarner, s`Trio Wildbach gründet. Sini unverkännbari Gsangs-Stimm und au diä vielä Eigäkompositionä machet ihn und die ganz Musig einzigartig. Mit viel Härzbluet und gsundem Schalk dörfet mir ihn erläbä.

Trudi Fischli, 21. März 1987

Die glernti Verchäuferin isch hüt Mami vo zwei Chind und Huusfrau. Wohnä tuet sie in Näfels. Sie spielt Schwyzerörgeli und singt sitem 2016 im Trio Wildbach. Scho es paar Jahr vorhär hät sie Ushilf gmacht im Trio.

Mit viel Freud und Iisatz isch sie immer voll däbi.

Benno Portmann, 10. Juli 1979

Dä Onkel Benno isch im Alltag als Chlauepfleger fast ide ganzä Schwiiz unterwägs und wohnä tuet er in Dietwil. Scho als chlinä Bueb hät er glernt Bass z`spielä und hät vieli Jahr bi de Hess-Buebä mitgspielt. Sitem 2025 macht er s`Trio Wildbach wieder komplett.

Mit viel Freud und sim unverwechselbarem Humor, chunt er immer gern mit üs go musigä.