Gründung

Dä Sepp Rüegg vom Rickä, au bekannt als Tweralp- Sepp, dä Beri Glarner und ich dä Roger,
händ im Herbst 2000 agfangä undäräm Namä "Trio Wildbach" zämä z`musigä.
Mir händ viär lehrriichi, ganz schöni und erfolgriichi Johr dörfä erläbä.
Scho zu Afangsziitä isch dä Styl vom Trio Wildbach, mit äm Sepp als erschtä Tenor, mit viel Gsang prägt gsi.
A derä Stell ä härzlichs Dankäschön am Sepp, viel Freud und Erfolg bim wiiterä musizierä.

Au ä grossäs Dankäschön gebührt am Musigkamerad Daniel Bruhin, Schübelbach.
Ganzi 12 Johr hät är mit üs unzähligi Uftritt bestrittä.
Mit sim unverkännbarä Schwyzerörgelispiel und sinärä originellä Art,
hät är für ä unvergesslichi Ziit gsorgt.
Au ihm gueti Wünsch und viel Erfolg für Zuekunft.

Drufabä isch s`Trudi zu üs gstossä und macht das Trio wieder komplett.
Mit viel Härzbluet machet mir üseri Musig und freuet üs immer sehr,
wänn mir üsers Publikum möget begeischterä.

Mir vom "Trio Wildbach"
Roger Diethelm
Trudi Fischli- Looser
Beri Glarner